Мемлекеттік рәміздер – бұл Ту, Елтаңба және Мемлекеттік Гимн. Олар – Тәуелсіз Қазақстанның егемендігі мен бірегейлігінің айшықты белгілері. Бұл рәміздер халқымыздың тарихын, болмысын, елдік мұратын бейнелеп, ұлт ретінде ұйысып, болашаққа нық қадам басуымыздың негізі болып табылады. Е. Ағелеуов атындағы Махамбет орта мектебінің «Болашақ» бейіндік лагерінде «Патриотизм дауысы» тақырыбындағы мерекелік жиын өткізіліп, тәрбиеленушілер жиын барысында Мемлекеттік Гимнді бір уақытта жаппай шырқады.